ແນະນຳ ສນຊ (LFND)

ພິທີິພົບປະລະຫວ່າງຄະນະກຳມະການສູນກາງແນວລາວສ້າງຊາດ ແລະ ຄະນະຜູ້ແທນຂັ້ນສູງສະພາທີ່ປຶກສາການເມືອງທົ່ວປະເທດຈີນ

ວັນທີ 16 ພຶດສະພາ 2018 ນີ້, ໄດ້ມີພີພົບປະລະຫວ່າງຄະນະກໍາມະການສູນກາງແນວລາວສ້າງຊາດ ແລະ ຄະນະຜູ້ແທນຂັ້ນ ສູງສະພາທີ່ປຶກສາການເມືອງທົ່ວປະເທດຈີນ ຝ່າຍລາວນຳໂດຍທ່ານ ຄຳໃບ ດຳລັດ ກຳມະການສູນກາງພັກ ຮອງປະທານສູນກາງ ແນວລາວສ້າງຊາດ ຝ່າຍຈີນນຳໂດຍ ທ່ານ ຫວາງ ເຈີງ ເຫວີຍ ກຳມະການສູນກາງພັກ ຮອງປະທານສະພາທີ່ປຶກສາການເມືອງ ທົ່ວປະເທດຈີນ ພ້ອມດ້ວຍຄະນະທັງສອງຝ່າຍເຂົ້າຮ່ວມ ທີ່ສູນຝຶກອົບຮົມສູນກາງແນວລາວສ້າງຊາດ.

ການພົບປະໃນຄັ້ງນີ້, ທັງສອງຝ່າຍກໍໄດ້ແຈ້ງສະພາບລວມການພັດທະນາເສດ-ສັງຄົມ ຂອງສອງປະເທດໃຫ້ກັນ ແລະ ກັນ ຊາບ ເຊິ່ງໃນນີ້ ທ່ານ ຄຳໃບ ດຳລັດ ໄດ້ຍົກໃຫ້ເຫັນເຖີງຄວາມສາມັກຄີອັນເປັນມູນເຊື້ອທີ່ເຄີຍມີມາແຕ່ດົນນານ ແລະ ທ່ານຍັງ ກ່າວຕື່ມອີກວ່າ: ການມາຢ້ຽມຢາມ ສປປ ລາວຂອງຄະນະຜູ້ແທນຂັ້ນສູງສະພາທີ່ປຶກສາການເມືອງທົ່ວປະເທດຈີນໃນຄັ້ງນີ້ ເປັນການປະກອບສ່ວນເພີ່ມພູນຄູນສ້າງສາຍພົນຮ່ວມືແບບຍຸດທະສາດ ແລະ ຮອບດ້ານໃຫ້ນັບມື້ຮັດແໜ້ນ, ມີບາດກ້າວ ໃໝ່ ເຂົ້າສູ່ລວງເລີກ ພ້ອມກັນນີ້, ທ່ານ ຫວາງ ເຈີງ ເຫວີຍ ກໍໄດ້ກ່າວວ່າ: ສອງພັກ-ສອງລັດ, ປະຊາຊົນສອງຊາດ ລາວ-ຈີນ ເຄີຍມີມູນເຊື້ອສາມັກມັກຄີແຕ່ໃດໆມານັ້ນພວກເຮົາຕ້ອງພ້ອມກັນເສີມຂະຫຍາຍໃຫ້ສາຍພົວພັນຮ່ວມມືລະຫວ່າງສອງປະເທດ ຂອງເຮົາໃຫ້ເຕີບໃຫຍ່ເຂັ້ມແຂງຢ່າງບໍ່ຢຸດຢັ້ງ.

ຫຼັງຈາກນີ້, ທັງສອງຝ່າຍກໍໄດ້ທົບທວນເນື້ອໃນສັນຍາຮ່ວມມືທີ່ໄດ້ເຊັ່ນກັນ ໃນວັນທີ 29 ກໍລະກົດ 2013 ຜ່ານມາທີ່ ນະຄອນ ຫຼວງປັກກິ່ງ ເຊິ່ງຈະກຳນົດໃນວັນທີ 1 ທັນວາ 2018 ນີ້ ສະນັ້ນ, ທັງສອງຟ່າຍໄດ້ມີການປຶກສາຫາລື, ຄົ້ນຄ້ວາ ເຮັດແນວ ໃດໃຫ້ສາຍພົວພັນຮ່ວມມືລະຫວ່່າງ ສອງຊາດ ລາວ-ຈີນ ກໍ່ຄື: ສູນກາງແນວລາວສ້າງຊາດ ແລະ ສະພາທີ່ປຶກສາການເມືອງ ທົ່ວເທດຈີນ ໃຫ້ແຕກດອກອອກຜົນຍິ່ງໆຂຶ້ນນັ້ນທັງສອງຝ່າຍຈະໄດ້ສືບຕໍ່ເຊັນສັນຍາຮ່ວມມື ເພື່ອແລກປ່ຽນບົດຮຽນໃນ ຫຼາຍດ້ານ, ຕ້ອງມີການແລກປ່ຽນຄະນະຜູ້ແທນແຕ່ລະຂັ້ນເຊິ່ງກັນ ແລະ ກັນ ເພື່ອສ້າງສາຍພົວພັນຮ່ວມມືໃຫ້ໝັ້ນຄົງ, ຍາວ ນານຕາມທິດ 4 ດີ ແລະ ທະນົງແກ່ນຂຶ້ນເລື້ອຍໆ.

2018-05-18

ປະຕິທິນ

Jun-2018
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ