ແນະນຳ ສນຊ (LFND)

ການສົ່ງເສີມ ແລະ ປົກປ້ອງສິດຜົນປະໂຫຍດ ຂອງປະຊາຊົນໃຫ້ມີສ່ວນຮ່ວມໃນການຄຸ້ມຄອງນຳໃຊ້ຊັບພະຍາກອນທຳມະຊາດ ແລະ ສິ່ງແວດລ້ອມແບບຍືນຍົງ

ໃນວັນທີ 8-10 ພຶດສະພາ 2018, ສູນກາງແນວລາວສ້າງຊາດ(ສນຊ) ຈັດກອງປະຊຸມລະດົມແນວຄວາມຄິດແບບ ມີສ່ວນ ຮ່ວມໂຄງການສ້າງຄວາມເຂັ້ມແຂງໃຫ້ແນວລາວສ້າງຊາດ ໃນການສົ່ງເສີມ ແລະ ປົກປ້ອງສິດ-ຜົນປະໂຫຍດ ຂອງປະຊາຊົນບັນ ດາເຜົ່າ ໃນການຄຸ້ມຄອງນຳໃຊ້ຊັບພະຍາກອນທຳມະຊາດ ແລະ ສິ່ງແວດລ້ອມແບບຍືນຍົງ, ໂດຍການເປັນປະທານ ຂອງທ່ານ ເຍ່ຍເກີຢ່າ ໜໍຈໍຈົງຕົວ ຮອງປະທານສູນກາງແນວລາວສ້າງຊາດ, ມີບັນດາທ່ານປະທານ-ຮອງປະທານແນວລາວສ້າງ ຊາດ 3 ແຂວງ, ນະຄອນຫຼວງ, ຂະແໜງຊັບພະຍາກອນແຂວງ, ປະທານແນວລາວສ້າງຊາດເມືອງ 3 ແຂວງ, ປະທານແນວລາວສ້າງ ຊາດ 4 ເມືອງ ນະຄອນຫຼວງວຽງຈັນ, ຕາງໜ້າກະຊວງຊັບພະຍາກອນ ແລະ ສິ່ງແວດລ້ອມ ແລະ ພາກສ່ວນກ່ຽວຂ້ອງເຂົ້າຮ່ວມ.

ໂອກາດນີ້, ກໍໄດ້ຮັບຟັງການສະເໜີລາຍລະອຽດຂອງໂຄງການດັ່ງກ່າວໂດຍສັງເຂບ, ໄດ້ມີສົນທະນາແລກປ່ຽນ, ການກຳນົດ ຫົວຂໍ້ທີ່ເປັນບຸລິມະສິດຂອງໂຄງການ, ການຄຸ້ມຄອງ-ນຳໃຊ້ຊັບພະຍາກອນທຳມະຊາດ, ການປົກປ້ອງສິດ-ຜົນປະໂຫຍດປະຊາ ຊົນບັນດາເຜົ່າ, ການອະນຸລັກ-ສົ່ງເສີມວັດທະນະທຳ, ຮີດຄອງປະເພນີອັນດີງາມ ແລະ ວິຖີຊີວິດຂອງບັນດາຊົນເຜົ່າ, ການສ້າງ ຄວາມຄວາມຮູ້-ຄວາມສາມາດໃຫ້ແນວລາວສ້າງຊາດຂັ້ນຕ່າງໆ ເພື່ອຈັດຕັ້ງປະຕິບັດ ແລະ ເຮັດໃຫ້ກິດຈະກຳດັ່ງກ່າວ ໄດ້ຮັບ ຜົນສຳເລັດ. ພ້ອມກັນນີ້, ກໍ່ໄດ້ມີການປະກອບຄຳຄິດຄຳເຫັນເພ່ືອແລກປ່ຽນບົດຮຽນເຊິ່ງກັນ ແລະ ກັນ ກ່ຽວກັບວຽກງານ ດັ່ງກ່າວທີ່ກຳລັງດຳເນີນຢູ່ບັນດາແຂວງເປົ້າໝາຍ ແລະ ເມືອງເປົ້າໝາຍ ເຮັດໃຫ້ບັນດາທ່ານທີ່ເຂົ້າຮ່ວມສາມາດກຳແໜ້ນ ເນື້ອໃນຈິດໃຈຂອງກອງປະຊຸມຢ່າງເລິກຊຶ່ງ.

ກອງປະຊຸມຄັ້ງນີ້, ເພື່ອສ້າງຄວາມເຂັ້ມແຂງດ້ານການຈັດຕັ້ງປະຕິບັດໂຄງການ, ສ້າງບົດສະເໜີໂຄງການ, ຂົນຂວາຍທຶນ ຮອນ, ກວດກາໂຄງການພັດທະນາຢ່າງມີປະສິດທິພາບ, ສ້າງກົນໄກການປະສານງານໃຫ້ແນວລາວສ້າງຊາດແຕ່ລະຂັ້ນ ສຶກສາ ອົບຮົມ, ປຸກລະດົມປະຊາຊົນບັນດາເຜົ່າ, ເພດ, ໄວ ສາສະໜາຕ່າງ ໃຫ້ມີສ່ວນຮ່ວມ ແລະ ທັງເຮັດໜ້າທີ່ຕິດຕາມກວດກາ ການຄຸ້ມຄອງລັດ ຢູ່ຂັ້ນທ້ອງຖິ່ນໃນການປົກປັກຮັກສາຊັບພະຍາກອນທຳມະຊາດ ແລະ ສິ່ງແວດລ້ອມ ແບບມີສ່ວນຮ່ວມ ແລະ ຍືນຍົງ.

 

 

2018-05-16

ປະຕິທິນ

Jun-2018
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ