ແນະນຳ ສນຊ (LFND)

ຄະນະຜູ້ແທນຂັ້ນສູງສະພາແນວໂຮມສາມັກຄີພັດທະນາມາຕຸພູມ ກຳປູເຈຍ ສຳເລັດການຢ້ຽມຢາມ ແລະ ເຮັດວຽກ ທີ່ ສປປ ລາວ

        ລະຫວ່າງ​ວັນ​ທີ 2-7 ກຸມພາ 2018, ຄະນະ​ຜູ້​ແທຂັ້ນສູງສະພາ​ແນວ​ໂຮມ​ສາມັກຄີ​ພັດທະນາ​ມາຕຸ​ພູມ​ ກຳປູ​ເຈຍ​ ໄດ້​ຢ້ຽມຢາມ​ເຮັດ​ວຽກຢູ່​ທີ່ ສປປ ລາວ ນໍາໂດຍທ່ານ ແຍມ ວາລີ ກຳມະການ​ສູນ​ກາງ​ພັກ ຮອງປະທານ​ຜູ້​ປະຈຳການ ​ແລະ ​ເລຂາ​ທິການ​ສະພາ​ແນວ​​ໂຮມ​ສາມັກຄີ​ພັດທະນາ​ມາ​ຕຸ​ພູມ ກຳປູ​ເຈຍ ພ້ອມ​ດ້ວຍ​ຄະນະ ເຊິ່ງ​​​ໄດ້​ຮັບ​ການ​ຕ້ອນຮັບ​ຢ່າງ​ອົບ​ອຸ່ນ​ຈາກ​ຄະນະ​ກຳມະການ​ສູນ​ກາງ​ແນວ​ລາວ​ສ້າ​ງຊາດ;

ເນື່ອງໃນໂອກາດທີ່ຄະນະຜູ້ແທນຢ້ຽມຢາມ ສປປ ລາວ ​ຄັ້ງ​ນີ້, ໄດ້​ມີ​ພິທີ​ພົບປະສອງ​ຝ່າຍ ​ລະຫວ່າງ ​ຄະນະ​ກຳມະການ​ສູນ​ກາງ​ແນວ​ລາວ​ສ້າງ​ຊາດ ​ແລະ ຄະນະ​ກຳມະການສະພາ​ແນວ​ໂຮມ​ສາມັກຄີ​ພັດທະນາ​ມາຕຸ​ພູມ ​ກຳປູ​ເຈຍ ​ຝ່າຍ​ລາວ​ນຳ​ໂດຍ​ທ່ານ ຄຳ​ໃບ ດຳ​ລັດ ກຳມະການ​ສູນ​ກາງ​ພັກ ຮອງ​ປະທານສູນ​ກາງ​ແນວ​ລາວ​ສ້າງ​ຊາດ ຝ່າຍ​ ກຳປູ​ເຈຍ​ນຳ​ໂດຍ​ທ່ານ ​ແຍ​ມ ວາລີ ກຳມະການ​ສູນ​ກາງ​ພັກ ຮອງປະທານ​ຜູ້​ປະຈຳການ ​ແລະ ​ເລຂາ​ທິການ​ສະພາ​ແນວ​​ໂຮມ​ສາມັກຄີ​ພັດທະນາ​ມາ​ຕຸ​ພູມ ກຳປູ​ເຈຍ ພ້ອມ​ດ້ວຍ​ຄະນະ ທີ່ສູນ​ຝຶກ​ອົບຮົມ ສູນ​ກາງ​ແນວ​ລາວ​ສ້າງ​ຊາດ ​ໃນ​ການ​ພົບ​ປະຄັ້ງນີ້, ທັງ​ສອງ​ຝ່າຍໄດ້​ແຈ້ງ​ສະພາບ​ລວມ​ໃນ​ການ​ພັດທະນາ​ເສດຖະກິດ-ສັງຄົມ ຂອງ​ສອງ​ປະ​ເທດ​​ໃຫ້ກັນ ​ແລະ ກັນ​ຊາບ ຫຼັງ​ຈາກ​ນີ້​ທັງ​ສອງ​ຝ່າຍ​ກໍ່​ໄດ້​ທົບ​ທວນ​ບົດ​ລົງ​ນາມ​ຮ່ວມ ຂອງ​ສອງ​​ແນວ​ໂຮມ​ໄລຍະ​ຜ່ານ​ມາ​ເປັນຕົ້ນ​ແມ່ນ​ບົດ​ລົງ​ນາມ​ໃນ​ກອງ​ປະຊຸມ 3 ປະທານ​ແນວ​​ໂຮມ ລາວ-ຫວຽດນາມ-ກຳປູ​ເຈຍ ທີ່​ຈັດ​ຂຶ້ນ​ຢູ່ທີ່ ນະຄອນຫຼວງຮ່າ​ໂນ້ຍ ສສ ຫວຽດນາມ ​ໃນ​ປີ 2017 ຜ່ານ​ມາ. ​ເພື່ອ​ເສີມ​ຂະຫຍາຍ​ບົດ​ລົງນາມ​ຮ່ວມມືດັ່​ງກ່າວ​ສູ່ວຽກງານ​ຕົວ​ຈິງ​ ສອງ​ຝ່າຍ​ ໄດ້​ປືສາ​ຫາລື​ວຽກງານ​ແນວ​ໂຮມ​ຫຼາຍ​ບັນຫາ​ເປັນຕົ້ນ​ແມ່ນ​ການ​ຈັດ​ກອງ​ປະຊຸມ​​ເສີມ​ສ້າງ​ຊາຍ​ແດນ​ສັນຕິພາບ, ມິດ​ພະ​ພາບ, ສະຖຽນ​ລະ​ພາບ ​ແລ​ະ ພັດທະນາ ລະຫວ່າງ​ ສອງ​ປະ​ເທດ​ ລາວ-ກຳປູ​ເຈຍ ​ແລະ ສ້າງ​ເງື່ອນ​ໄຂ​ໃຫ້​ບັນດາ​ແຂວງ​ທີ່​ມີ​ຊາຍ​ແດນ​ຕິດ​ຈອດ​ກັນ​ມີ​ການ​ພົວພັນ​ຢ່າງ​ຊະນິດ​ແໜ້ນ​ໄປມາຫາສູ່​ກັນແບບ​ອ້າຍ​ນ້ອງ ອັນ​​ເປັນ​ມູນ​ເຊື້ອ​ທີເຄີຍ​ມີ​ຄວາມ​ສາມັກ ຄີ​ປອງ​ດອງ​ກັນຕ້ານ​ສັດຕູ​ຕົວ​ດຽວ​ກັນ​ສະ​ໄໝ​ຈັກກະ​ພັກ​ຕ່າງ​ດ້​າວຜູ້​ຮຸນ​ຮານ ພ້ອມ​ທັງສືບຕໍ່​ແລກ​ປ່ຽນຄະນະ​ຜູ້​ແທນ​ຂັ້ນສູງ ​ແລະ ຂັ້ນວິຊາ​ການເຊິ່ງກັນ ແລະ ກັນ ​ເພື່ອ​ຮັດ​ແໜ້ນ​ສາຍ​ພົວພັນ​ລະຫວ່າງ ສອງ​ພັກ, ສອງ​ລັດ ກໍ່​ຄື​ປະ​ຊາ​ຊົນສອງ​ຊາດ ລາວ-ກຳປູ​ເຈຍ​ ໃຫ້​ນັບ​ມື້​ມີ​ບາດກ້າວ​ໃໝ່​ເລື້ອຍໆ. ​ 

ໂອກາ​ດນີ້, ທ່ານ ​ແຍ​ມ ວາລີ ພ້ອມ​ດ້ວຍ​ຄະນະ​ ​ໄດ້​ເຂົ້າຢ້ຽມ​ຂໍ່ານັບ​ ທ່ານ ​ໄຊ​ສົມພອນ ພົມວິຫານ ກຳມະ​ການ​ກົມ​ການ​ເມືອງ​ສູນ​ກາງ​ພັກ ປະທານ​ສູນ​ກາງ​ແນວ​ລາວ​ສ້າງ​ຊາດ ​ເຊິ່ງທ່ານ​ປະທານ​ສູນ​ກາງ​ແນວ​ລາວ​ສ້າງ​ຊາ​ດ ​ໄດ້​ສະ​ແດງ​ຄວາມ​ຍີ​ນດີ​ຕ້ອນຮັບ ​ແລະ ຕີ​ລາຄາ​ສູງ​ຕໍ່ ທ່ານ ​ແຍມ ວາລີ ພ້ອມ​ດ້ວຍ​ຄະນະ ​ໃນ​ການມາ​ເຮັດວຽກຢູ່ ສປປ ລາວໃນຄັ້ງນີ້ ​ໃນນີ້, ທ່ານ ​ແຍ​ມ ວາລີ​ ​ໄດ້​ສະ​ແດງ​ຄວາມ​ຂອບ​ໃຈ​ຕໍ່​ທ່ານ​ປະທານ​ສູນ​ກາງ​ແນວ​ລາວ​ສ້າງ​ຊາດ ທີ​ໄດ້​ຕ້ອນຮັບ​ທ່ານ​ພ້ອມ​ດ້ວຍ​ຄະນະຢ່າງ​ອົບ​ອຸ່ນ, ຕໍມາຄະນະຜູ້ແທນ​ເຂົ້າຢ້ຽມ​ຂໍ່ານັບ​ທ່ານ ພົທ ​ແສງ​ນວນ ​ໄຊ​ຍະ​ລາດ ​ຄະນະເລຂາທິການ​ສູນ​ກາງ​ພັກ ຮອງ​ປະທານ​ສະພາ​ແຫ່ງ​ຊາດ ແລະ ຢ້ຽມ​ຂໍ່ານັບ​ທ່ານ ນາງ ສູນ​ທອນ ​ໄຊ​ຍະ​ຈັກ ກຳມະການ​ສູນ​ກາງ​ພັກ ຫົວໜ້າ​ຄະນະພົວພັນ​ຕ່າງປະ​ເທດ​ສູນ​ກາ​ງພັກ, ຄະນະ​ໄດ້​ຢ້ຽມຊົມ ຫໍພິພິຕະ​ພັນ​ ໄກສອນ ພົມວິຫານ, ອະນຸສອນສະຖານ​ທ່ານ​ປະທານ​ ສຸພານຸ​ວົງ ​ແລະ ທ່ຽວ​ຊົມ​ພື້ນຖານ​ວັດທະນາ​ທຳ ຈຳນວນໜຶ່ງ ພາຍໃນນະຄອນຫຼວງວຽງຈັນ ​ຕື່ມ​ອີກ.

2018-02-07

ປະຕິທິນ

May-2018
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ