ແນະນຳ ສນຊ (LFND)

ກອງປະຊຸມທາບທາມກົດໝາຍ ວ່າດ້ວຍແນວລາວສ້າງຊາດ ສະບັບປັບປຸງ

        ​ໃນ​ວັນ​ທີ 30 ມັງກອນ 2018 ທີ່​ຫ້ອງປະຊຸມສູ​ນກາງແນວລາວສ້າງຊາດ ​​ໄດ້​ຈັດ​ກອງ​ປະຊຸມ ທາ​ບທາມ​ຮ່າງ​ກົດໝາຍ ວ່າ​ດ້ວຍ​ແນວ​ລາວ​ສ້າງ​ຊາດ ສະບັບ​ປັບປຸງ ໂດຍ​ພາຍ​ໃຕ້​ການ​ເປັນ​ປະທານ ຂອງ​ທ່ານ ນາງ ຄຳຈັນ ພົມແສງສະຫວັນ ຮອງປະທານ ສູນກາງແນວລາວສ້າງຊາດ, ມີບັນດາຮອງປະທານ ສນຊ, ຄະນະກຳມະການ ສນຊ, ແນວລາວສ້າງຊາດຈາກ  8 ແຂວງ - ນະຄອນຫຼວງ, ຜູ້ຕາງໜ້າກະຊວງພາຍໃນ, ກະຊວງຍຸດຕິທຳ, ພະນັກງານອາວຸໂສບຳນານ ພ້ອມດ້ວຍແຂກຖືກເຊີນ ແລະ ພະນັກງານຫຼັກແຫຼ່ງທີ່ກ່ຽວຂ້ອງເຂົ້າຮ່ວມ.

        ກອງປະຊຸມຄັ້ງນີ້ຈັດຂຶ້ນເພື່ອເປັນການທາບທາມດ້ວຍການປະກອບຄຳຄິດຄຳເຫັນໃສ່ຮ່າງກົດໝາຍ ສະບັບປັບປຸງ ເພື່ອເຮັດໃຫ້ຮ່າງກົດໝາຍດັ່ງກ່າວມີຄວາມສົມບູນທາງດ້ານເນື້ອໃນເໝາະສົມກັບສະພາບການຈັດຕັ້ງປະຕິບັດວຽກງານໃນໄລຍະໃໝ່ນີ້, ກົດໝາຍ ວ່າດ້ວຍແນວລາວສ້າງຊາດໄດ້ຖືກຮັບຮອງ ແລະ ປະກາດໃຊ້ໃນປີ 2009 ຊຶ່ງກົດໝາຍສະບັບປັບປຸງດັ່ງກ່າວມີ 12 ໝວດ, 48 ມາດຕາ. ມາເຖິງປັດຈຸບັນຍັງມີບາງໝວດບາງມາດຕາຂອງກົດໝາຍມີຄວາມຈຳເປັນຕ້ອງໄດ້ມີການປັບປຸງ ແລະ ເພີ່ມຕື່ມເພື່ອໃຫ້ສອດຄ່ອງກັບສະພາບຕົວຈິງຂອງປະເທດເຮົາ.

        ສຳລັບຮ່າງກົດໝາຍ ວ່າດ້ວຍແນວລາວສ້າງຊາດ ສະບັບປັບປຸງປະກອບດ້ວຍ 14 ພາກ, 4  ໝວດ, 68 ມາດຕາ, ມາດຕາທີ່ໄດ້ປັບປຸງ ປະກອບມີ 25 ມາດຕາ, ມາດຕາໃໝ່ປະກອບມີ 20 ມາດຕາ, ພ້ອມດຽວກັນນີ້ຍັງໄດ້ມີການປະກອບຄຳຄິດຄຳເຫັນແບບກົງໄປກົງມາໃນຈຳນວນ 30 ກວ່າທານ ແລະ 100 ກວ່າຄຳເຈາະຈີມ. ທ່ານປະທານກອງປະຊຸມໄດ້ສະແດງຄວາມຊົມເຊີຍຕໍ່ການກະກຽມຂອງຄວາມຮັບຜິດຊອບກໍ່ຄືທຸກພາກສ່ວນທີ່ກ່ຽວຂ້ອງ ແລະ ຈະນຳເອົາຄຳຄິດຄຳເຫັນເຫຼົ່ານັ້ນມາປັບປຸງຕື່ມເພື່ອສືບຕໍ່ນຳສະເໜີຕໍ່ພາກສ່ວນທີ່ກ່ຽວຂ້ອງໂດຍສະເພາະຕໍ່ກອງປະຊຸມສະໄໝສາມັນເທືອທີ 5 ຂອງສະພາແຫ່ງຊາດຊຸດທີ VIII ທີຈະໄຂຂຶ້ນໃນທ້າຍປີ 2018 ນີ້.

 

 

2018-02-05

ປະຕິທິນ

May-2018
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ