ແນະນຳ ສນຊ (LFND)

ທ່ານ ສີສະຫວາດ ແກ້ວບຸນພັນ ຢ້ຽມຢາມແຂວງໄຊຍະບູລີ

ທ່ານ ສີສະຫວາດ ແກ້ວບຸນພັນ ອາດິດກໍາມະການກົມການເມືອງສູນກາງພັກ, ອາດິດປະທານສູນກາງແນວລາວສ້າງຊາດ ເຄື່ອນໄຫວຢ້ຽມຢາມພົບປະຄະນະພັກ-ຄະນະນໍາແຂວງໄຊຍະບູລີ ເຊິ່ງເປັນກຽດຕ້ອນຮັບຢ່າງອົບອຸ່ນ ຂອງທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງໆໄຊຍະບູລີ ພ້ອມດ້ວຍຄະນະພັກ-ຄະນະນໍາແຂວງ ຢູ່ສະໜາມບິນແຂວງໄຊຍະບູລີ ໃນວັນທີ 25 ມັງກອນ 2018;

ໃນການລົງເຄື່ອນໄຫວວຽກຄັ້ງນີ້, ທ່ານ ສີສະຫວາດ ແກ້ວບຸນພັນ ໄດ້ເປັນກຽດໂອ້ລົມພົບປະກັບຄະນະພັກ-ຄະນະນໍາແຂວງ ເຊິ່ງກ່ອນອື່ນໄດ້ຮັບຟັງການລາຍງານສະພາບການພັດທະນາເສດຖະ ກິດ-ສັງຄົມຂອງແຂວງ ຈາກທ່ານເຈົ້າແຂວງໄຊຍະບູລີ ເຊິ່ງທ່ານຍົກໃຫ້ຮູ້ວ່າ: ຕະຫຼອດໄລຍະທີ່ຜ່ານມາ ຄະນະພັກ-ຄະນະນໍາ ແຕ່ລະຂັ້ນໄດ້ເອົາໃຈໃສ່ເພີ່ມທະວີການສຶກສາອົບຮົມ-ການເມືອງແນວຄິດ ໃຫ້ແກ່ປະຊາຊົນລາວບັນດາເຜົ່າພາຍໃນແຂວງເຮັດໃຫ້ແຂວງໄຊຍະບູລີ ມີສະຖຽນລະພາບທາງດ້ານການ ເມືອງ-ສັງຄົມ, ມີຄວາມສະຫງົບໂດຍພື້ນຖານ ເຖິງຢ່າງໃດກໍ່ຕາມໃນຕໍ່ໜ້ານີ້ ຄະນະພັກແຂວງຈະຕ້ອງໄດ້ສືບຕໍ່ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII ຂອງລັດຖະບານ ໃຫ້ບັນ ລຸຄາດໝາຍ ໃນປີ 2020, ຮັບປະກັນເຮັດໃຫ້ແຂວງມີຄວາມສະຫງົບ, ສັງຄົມມີຄວາມເປັນລະບຽບ ຮຽບຮ້ອຍຢ່າງໜັກແໜ້ນ ແລະ ເປັນເສົາຄໍ້າໃຫ້ແກ່ການພັດທະນາເສດຖະກິດ-ສັງຄົມ ຂອງແຂວງໄຊຍະບູລີ ໄປຕາມທິດສີຂຽວ ແລະ ຍືນຍົງ.  ໃນໂອກາດນີ້, ທ່ານ ສີສະຫວາດ ແກ້ວບຸນພັນ ເປັນກຽດໂອ້ລົມຕໍ່ກອງປະຊຸມ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ບັນດາຜົນງານຂອງຄະນະພັກ-ຄະນະນໍາແຂວງ ຍາດມາໄດ້ ແລະ ທ່ານໄດ້ເນັ້ນບາງເນື້ອໃນວ່: ໃຫ້ຄະນະພັກຕ້ອງສືບຕໍ່ເພີ່ມທະວີການສຶກສາອົບຮົມການເມືອງ-ແນວຄິດ ໃຫ້ແກ່ປະຊາຊົນ, ເຮັດໃຫ້ປະຊາຊົນລາວບັນດາຊົນເຜົ່າພາຍໃນແຂວງມີຄວາມເຊື່ອໝັ້ນຕໍ່ການນໍາພາຂອງພັກ, ເພີ່ມທະວີການເຕົ້າໂຮມຄວາມສາມັກຄີປະຊາຊົນລາວບັນດາ ເຜົ່າໃຫ້ມີຄວາມໜັກແໜ້ນເຂົ້າຮ່ວມຂະບວນການທີ່ສໍາຄັນຂອງຊາດ, ຊຸກຍູ້ປະຊາຊົນຜະລິດເປັນສິນ ຄ້າແກ້ໄຂຄວາມທຸກຍາກ ເຮັດໃຫ້ແຂວງໄຊຍະບູລີນັບມື້ດີຂຶ້ນເປັນກ້າວໆ.

2018-01-26

ປະຕິທິນ

Feb-2018
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ