ແນະນຳ ສນຊ (LFND)

ກອງປະຊຸມເຜີຍແຜ່ນິຕິກໍາໃຫ້ແກ່ບັນດາອົງການຈັດຕັ້ງສາສະໜາຕ່າງໆ

ສູນກາງແນວລາວສ້າງຊາດ (ສນຊ) ໄດ້ຈັດກອງປະຊຸມເຊື່ອມຊຶມເອກະສານນິຕິກໍາກ່ຽວກັບວຽກງານສາສະໜາ ໃຫ້ແກ່ຄະນະຮັບຜີດຊອບສາສະໜາຕ່າງໆ ພາຍໃນນະຄອນຫຼວງວຽງຈັນ ຂຶ້ນໃນລະຫວ່າງ ວັນທີ 20-21 ກັນຍາ 2017,

ເປັນກຽດເຂົ້າຮ່ວມຂອງທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ, ມີບັນດາທ່ານຮອງປະທານສູນກາງແນວລາວສ້າງຊາດ, ບັນດາທ່ານຫົວໜ້າກົມ, ຫົວໜ້າຫ້ອງການ, ຄະນະ​ນຳຂອງສາສະໜາຕ່າງໆ ພ້ອມ​ດ້ວຍ​ພະນັກງານ-ລັດຖະກອນ ທີ່ກ່ຽວຂ້ອງ​ເຂົ້າ​ຮ່ວມ.

ກອງປະຊຸມຄັ້ງນີ້, ໄດ້ຮັບຟັງການເຊື່ຶອມຊຶມມາດຕະການກ່ຽວກັບການຄຸ້ມຄອງ ແລະ ປົກປ້ອງການເຄື່ອນໄຫວສາສະໜາຕ່າງໆຢູ່ ສປປ ລາວ ເພື່ອເຮັດໃຫ້ນັກບວດ, ນັກສອນສາສະໜາ, ສາສະນິກະຊົນ ແລະ ການຈັດຕັ້ງສາສະໜາເຄື່ອນໄຫວຖືກຕ້ອງຕາມກົດໝາຍ, ລະບຽບການ ແລະ ຫຼັກທໍາຄໍາສັ່ງສອນ, ແນໃສ່ປົກປັກຮັກສາ ແລະ ເສີມຂະຫຍາຍວັດທະນະທໍາອັນດີງາມຂອງຊາດ, ເພີ່ມທະວີຄວາມສາມັກຄີກົມກຽວລະຫວ່າງບຸກຄົນເຊື່ອຖືສາສະໜາຕ່າງໆ ພ້ອມກັນປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ.

ກອງ​ປະຊຸມ​ຄັ້ງ​ນີ້ ໄດ້ຮັບຟັງການປະກອບຄໍາຄິດຄໍາເຫັນຈາກຜູ້ເຂົ້າຮ່ວມຢ່າງກົງໄປກົງມາກ່ຽວກັບວຽກງານສາສະໜາຕ່າງໆ ຊຶ່ງເປັນການເສີມຂະຫຍາຍມູນເຊື້ອຮີດຄອງປະເພນີອັນດີງາມຊາດຂອງປະຊາຊົນລາວບັນດາເຜົ່າ ແລະ ສິດເປັນເຈົ້າຂອງປະະເທດຊາດ, ທັດສະນະຂອງພັກຕໍ່ການເຊື່ອຖືສາສະໜາ ແລະ ສິ່ງທີ່ຄວນເອົາໃຈໃສ່ ໃຫ້ມີສະຕິລະວັງຕົວຕໍ່ການເຄື່ອນໄຫວຂອງກຸ່ມຄົນທີ່ບໍ່ຫວັງດີສວຍໃຊ້ວຽກງານສາສະໜາ ເພື່ອແບ່ງແຍກຄວາມສາມັກຄີຂອງປະຊາຊົນລາວບັນດາເຜົ່າ.

2017-09-25

ປະຕິທິນ

Jun-2018
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ