ແນະນຳ ສນຊ (LFNC)

ພິທີຖະແຫຼງຂ່າວ ການສ້າງຕັ້ງໜັງສືພິມ “ສາມັກຄີພັດທະນາ” ສຽງຂອງສູນກາງແນວລາວສ້າງຊາດ

          ທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ ຜູ້ຊີ້ນໍາວຽກງານໜັງສືພິມ ໄດ້ໃຫ້ກຽດຖະ ແຫຼງຂ່າວກ່ຽວກັບການສ້າງຕັ້ງໜັງສືພິມ “ສາມັກຄີພັດທະນາ” ສຽງຂອງສູນກາງແນວລາວສ້າງຊາດ ໃນອາທິດຜ່ານມານີ້ ທີ່ສູນ ຝຶກອົບຮົມສູນກາງແນວລາວສ້າງຊາດ ມີບັນດາທ່ານຄະນະບັນນາທິການໜັງສືພິມສາມັກຄີພັດທະນາ ພ້ອມດ້ວຍສື່ມວນຊົນ ຈາກຫຼາຍພາກສ່ວນເຂົ້າຮ່ວມ.

          ເຊິ່ງການສ້າງຕັ້ງໜັງສືພິມ ສາມັກຄີພັດທະນາ ເພື່ອເປັນກະບອກສຽງຂອງສູນກາງແນວລາວສ້າງຊາດ ໃນການຕອບ ສະໜອງຂໍ້ມູນຂ່າວສານກ່ຽວກັບວຽກງານແນວໂຮມໃຫ້ແກ່ສັງຄົມ, ປະກອບສ່ວນໂຄສະນາ, ເຜີຍແຜ່ແນວທາງນະໂຍບາຍ ຂອງພັກ, ກົດໝາຍ ແລະ ແຜນພັດທະນາເສດຖະກິດ-ສັງຄົມຂອງລັດ, ການເຄື່ອນໄຫວຂອງແນວລາວສ້າງຊາດ ໃນແຕ່ລະ ໄລຍະລົງສູ່ກຸ່ມເປົ້າໝາຍຕ່າງໆໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງໃຫ້ກວ້າງຂວາງ, ທັງຮັບປະກັນການຕອບໂຕ້ທຸກຖ້ອຍທໍາ ນອງໃນການໂຄສະນາບິດເບືອນ, ການໃສ່ຮ້າຍປ້າຍສີຂອງພວກອິດທິກໍາລັງປໍລະປັກ ແລະ ກຸ່ມຄົນບໍ່ດີຕໍ່ແນວທາງຂອງພັກ ໂດຍສະເພາະແມ່ນເຮັດໜ້າທີ່ສຶກສາອົບຮົມການເມືອງ-ແນວຄິດ ໃຫ້ແກ່ປະຊາຊົນບັນດາເຜົ່າ, ຊັ້ນຄົນ, ສາສະໜາ ແລະ ເພດ, ໄວ ນັບທັງຄົນເຊື້ອຊາດລາວທີ່ດໍາລົງຊິວິດຢູ່ຕ່າງປະເທດ; ພ້ອມກັບການສົ່ງເສີມ ແລະ ປົກປັກຮັກສາມູນເຊື້ອວັດ ທະ ນະທໍາຮີດຄອງປະເພນີອັນດີງາມຂອງປະຊາຊົນລາວບັນດາເຜົ່າ; ເປັນແຫຼ່ງສະໜອງຂໍ້ມູນຂ່າວສານກ່ຽວກັບແນວທາງນະໂຍ ບາຍ ທີ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງແນວລາວສ້າງຊາດ ວາງອອກໃຫ້ປະຊາຊົນຮັບຮູ້ຢ່າງກວ້າງຂວາງ; ເປັນພາຫະນະສໍາລັບຖ່າຍທອດຂໍ້ມູນຂ່າວສານປະຈໍາເດືອນ ແລະ ນໍາເອົາແນວຄິດຕ່າງໆໄປສູ່ກຸ່ມຜູ້ອ່ານທີ່ມີລັກສະນະການ ເມືອງ ແລະ ຄວາມກ້າວໜ້າທາງດ້ານສັງຄົມ, ທັງເປັນພາຫະນະສື່ສານ ໃນການປະຕິບັດໜ້າທີ່ການເມືອງຂອງຕົນ.

          ທ່ານ ບຸນຈອມ ວົງເພັດ ຫົວໜ້າບັນນາທິການໜັງສືພິມ ສາມັກຄີພັດທະນາ ໄດ້ກ່າວວ່າ: ໜັງສືພິມສາມັກຄີພັດທະ ນາ ພາຍໃຕ້ການຊີ້ນໍາຂອງຄະນະປະຈໍາ ສນຊ ຊຶ່ງໜັງສືພິມດັ່ງກ່າວມີທັງໝົດ 16 ໜ້າ ແລະ 4 ໜ້າ ສໍາລັບໂຄສະນາທົ່ວໄປ, ຜະລິດຕະພັນນີ້ ເປັນໜັງສືພິມໂຄສະນາການເຄື່ອນໄຫວວຽກງານຮອບດ້ານຂອງ ສນຊ ຊຶ່ງປະກອບມີຂ່າວ, ບົດຄວາມ-ບົດ ນໍາ, ຄໍລໍາວັດທະນະທໍາ-ສັງຄົມ, ສາລະໜ້າຮູ້, ສຸຂະພາບ, ກິລາ ແລະ ຄໍລໍາອື່ນໆ; ໃນປັດຈຸບັນ ນອກຈາກໜັງສືພິມແລ້ວຍັງມີ ລາຍການວິທະຍຸ-ໂທລະພາບ, ເວັບໄຊ ແລະ ວາລະສານ; ທ່ານ  ບຸນຈອມ ຍັງໃຫ້ຮູ້ຕື່ມວ່າ: ເຊິ່ງເປົ້າໝາຍການແຈກຢາຍ ແມ່ນສົ່ງໄປທົ່ວປະເທດ ໂດຍມີຢູ່ 4 ພາກສ່ວນຕົ້ນຕໍຄື: ແຈກຢາຍໃຫ້ແກ່ກໍາມະການສູນກາງແນວລາວສ້າງຊາດ, ກໍາມະການ ແນວລາວສ້າງຊາດແຂວງ ໃນ 17 ແຂວງທົ່ວປະເທດ, ແຈກຢາຍໄປຫາເມືອງ-ບ້ານ ພິມແຈກຢາຍໃນເບື້ອງຕົ້ນ 5.000 ສະບັບ ແລະ ຄາດວ່າປີ 2018 ຫາກມີຄວາມສາມາດຂະຫຍາຍຕື່ມໃຫ້ໄດ້ 10.000 ສະບັບ, ໜັງສືພິມສາມັກຄີພັດທະນາ ເປັນ ຜະລິດຕະພັນໃໝ່ຂອງວຽກງານສື່ມວນຊົນ ທັງເປັນກະບອກສຽງຂອງສູນກາງແນວລາວສ້າງຊາດ ເຊຶ່ງເປັນໜັງສືພິມລາຍ ເດືອນໄດ້ອອກສູ່ສາຍຕາສັງຄົມຢ່າງເປັນທາງການເປັນສະບັບພິມອອກພິເສດ ໃນໂອກາດຂ່ຳນັບຊົມເຊີຍກອງປະຊຸມຄະນະປະ ຈໍາ ສນຊ ເປີດກວ້າງ ຄັ້ງທີ 2 ສະໄໝທີ X ໃນຕົ້ນເດືອນຕຸລາ 2017 ນີ້.

2017-10-10

ປະຕິທິນ

Oct-2017
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ