ແນະນຳ ສນຊ (LFNC)

ທ່ານ ຮອງປະທານ ສູນກາງແນວລາວສ້າງຊາດ ເຂົ້າຮ່ວມເທດສະການບຸນຊ່ວງເຮືອ ຢູ່ແຂວງໄຊຍະບູລີ

    ​ໃນ​ຕົ້ນ​ເດືອນ ຕຸລາ 2017 ນີ້, ທ່ານ ຄໍາ​ໃບ ດໍາລັດ ກໍາມະການ​ສູນ​ກາງ​ພັກ ຮອງ​ປະທານ​ສູນ​ກາງ​ແນວ​ລາວ​ສ້າງ​ຊາດ ໄດ້​ເຂົ້າ​ຮ່ວມພິທີ​ເປີດ​ເທດສະການ​ບຸນ​ອອກ​ພັນ​ສາ​ປະ​ວໍລະນາ ​ແລະ ບຸນ​ຊ່ວງ​ເຮືອ​ ຢູ່​ເມືອງ​ໄຊ​ຍະ​ບູລີ ​ແຂວງ​ໄຊ​ຍະ​ບູລີ.

    ​ເທດສະການ​ບຸນ​ອອກ​ພັນ​ສາ​ປະ​ວໍລະນາ ​ແລະ ບຸນ​ຊ່ວງ​ເຮືອ ​ເຊິ່​ງ​ເປັນ​ບຸນ​ປະ​ເພນີທີ່​ໄດ້​ສືບ​ທອດ​ກັນ​ມາ​ແຕ່​ບູຮານ​ນະ​ການ ​ເປັນ​ຮິດຄອງ​ປະ​ເພນີ​ອັນ​ດີງາມ​ຂອງ​ຊາດ ​ແລະ ຂອງ​ແຕ່ລະ​ທ້ອງ​ຖິ່ນ ທີ່​ເຄີຍ​ປະຕິບັດ​ມາ​ໃນ​ແຕ່ລະ​ປີ ​ເທດສະການ​ດັ່ງກ່າວ​ນີ້ ​ເປັນ​ການ​ເຕົ້າ​ໂຮມ​ຄວາມ​ສາມັກຄີ​ປະຊາຊົນ​ລາວ​ບັນດາ​ຊົນ​ເຜົ່າ ​ແລະ ​ເປັນ​ການ​ກະຕຸກ​ຊຸກຍູ້​ວຽກ​ງານ​ທ່ອງ​ທ່ຽວ, ການ​ແລກ​ປ່ຽນ​ຊື້-ຂາຍສິນຄ້າ ​ໃຫ້​ເປັນ​ຂະ​ບວນການ​ຟົດ​ຟື້ນມ່ວນ​ຊື່ນ. ຄະນະ​ຮັບຜິດຊອບ​ຈັດ​ງານ​ກ່າວ​ວ່າ: ​ໂດຍ​ປະຕິບັດ​ຕາມ​ທິດ​ຊີ້​ນໍາ​ຂອງ​ຄະນະ​ພັກ​ແຂວງ​ຖື​ວ່າ​ໃນ​ປີ​ນີ້ ຄະນະ​ພັກ​ເມືອງໆ​ໄຊ​ຍະ​ບູລີ ​ເປັນ​ເຈົ້າພາບ​ໃນ​ການຈັດ​ງານ​ດັ່ງກ່າວ ​ແລະ ງານ​ບຸນຊ່ວງ​ເຮືອ​ປະ​ຈໍາ​ປີ​​ໃນ​ເທື່ອ​ນີ້ ມີ​ເຮືອ​ເຂົ້າ​ຮ່ວມ​ແຂ່ງຂັນ​ທັງ​ໝົດ 40ກວ່າ​ລໍາ, ມີ​ທັງ​ເພດ​ຍິງ ​ແລະ ​ເພດ​ຊາຍ ​ແຕ່​ພິ​ເສດ​ແມ່ນ ​ໄດ້​ແຂ່ງຂັນ​ປະ​ເພດ​ເຮືອ​ງາມ​ ​​ເຊິ່ງເຫັນ​ວ່າ​​ມີ​ທັງແຂກ​ພາຍ​ໃນ ​ແລະ ຕ່າງ​ແຂວງ​​ເຂົ້າ​ມາ​ທ່ຽວ​ຊົມ​ຢ່າງ​​ຫຼວງຫຼາຍ ​ເຕັມ​ໄປ​ດ້ວຍ​ບັນຍາກາດ​ເບີກບານ​ມ່ວນ​ຊື່ນ.

 

2017-10-10

ປະຕິທິນ

Oct-2017
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ