ແນະນຳ ສນຊ (LFNC)

ຜົົນສໍາເລັດກອງປະຊຸມຄະນະປະຈໍາ ສນຊ ເປີດ ກວ້າງ ຄັ້ງທີ 2 ສະໄໝທີ X

ກອງປະຊຸມຄະນະປະຈໍາສູນກາງແນວລາວສ້າງຊາດເປີດກວ້າງ ຄັ້ງທີ 2 ສະໄໝທີ X ໄດ້ອັດລົງດ້ວຍຜົນສໍາເລັດອັນຈົບງາມ ໃນ ວັນທີ 4 ຕຸລານີ້ ທີ່ສູນກາງແນວລາວສ້າງຊາດ ພາຍຫລັງດໍາເນີນມາເປັນເວລາ 3 ວັນ ໂດຍການເປັນປະທານຂອງທ່ານ ປອ ໄຊ ສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ມີບັນດາທ່ານຮອງປະທານ, ຄະ ນະປະຈໍາສູນກາງແນວລາວສ້າງຊາດ, ບັນດາທ່ານຄະນະປະຈໍາພັກແຂວງ, ກໍາມະການສູນກາງແນວອ້ອມຂ້າງສູນກາງ, ປະທານ 4 ອົງການຈັດຕັ້ງມະຫາຊົນ ແລະ ແຂກຖືກເຊີນເຂົ້າຮ່ວມ ທັງໝົດ 117 ທ່ານ ພະສົງ 2 ອົງ ຍິງ 24 ທ່ານ.

ກອງປະຊຸມຄັ້ງນີ້ຜູ້ເຂົ້າຮ່ວມໄດ້ພ້ອມກັນຮັບຟັງບັນດາເນື້ອໃນຂອງກອງປະຊຸມ ແລະ ສຸມໃສ່ປະກອບຄໍາຄິດຄໍາເຫັນດ້ວຍ ຄວາມຮັບຜິດຊອບສູງ ກົງໄປກົງມາຕໍ່ບົດສະຫຼຸບການເຄື່ອນໄຫວ ຂອງຄະນະປະຈໍາສູນກາງແນວລາວສ້າງຊາດ ໃນສົກປີ 2016-2017 ແລະ ທິດທາງການເຄື່ອນໄຫວສົກປີ 2017-2018; ລາຍງານສະພາບວຽກງານສາສະໜາ ຢູ່ ສປປ ລາວ ໄລຍະ 1 ປີຜ່ານມາ; ແນວຄວາມຄິດກ່ຽວກັບການແກ້ໄຂຄວາມທຸກຍາກຕິດພັນກັບການສ້າງຄອບຄົວ ແລະ ບ້ານສາມັກຄີປອງ ດອງທົ່ວປວງຊົນ; ສະພາບການຈັດຕັ້ງປະຕິບັດວຽກງານຂອງຄະນະທີ່ປຶກສາວຽກງານຄົນເຊື້ອຊາດລາວຢູ່ຕ່າງປະເທດ ຄະນະ ທີ່ປຶກສາສາສະໜາຂອງສູນກາງແນວລາວສ້າງຊາດ; ຮ່າງຄຳແນະນຳກ່ຽວກັບການສ້າງຂະບວນການຕ້ອນຮັບວັນສ້າງຕັ້ງ ແນວລາວສ້າງຊາດ ຄົບຮອບ 70 ປີ; ຜ່ານຮ່າງກົດໝາຍວ່າດ້ວຍ ແນວລາວສ້າງຊາດ; ຟັງການສະເໜີຄໍາແນະນໍາ ກ່ຽວກັບ ການຈັດຕັ້ງປະຕິບັດກົດລະບຽບແນວລາວສ້າງຊາດ ສະໄໝທີ X; ການສະເໜີຄໍາແນະນໍາ ກ່ຽວກັບການຈັດຕັ້ງຜັນຂະຫຍາຍ ວຽກງານພົວພັນຕ່າງປະເທດຂອງແນວລາວສ້າງຊາດ ກ່ຽວກັບບົດຊ່ວຍຈໍາໂຄງການຮ່ວມມື, ຂໍ້ຕົກ ລົງ, ບົດບັນທຶກ ແລະ ສັນຍາຮ່ວມມືໃນໄລຍະ 2017-2020 ຂອງລາວ-ຫວຽດນາມ ແລະ ລາວ-ຫວຽດນາມ-ກໍາປູເຈຍ. ພ້ອມດຽວກັນນັ້ນ, ບັນດາ ຜູ້ເຂົ້າຮ່ວມກອງປະຊຸມໄດ້ມີການປະກອບຄໍາເຫັນໃສ່ບົດລາຍງານຜົນການຕິດຕາມກວດກາຂອງແນວລາວສ້າງຊາດ ຕໍ່ກອງ ປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ VIII ແລະ ປະກອບໃສ່ແຕ່ລະບັນຫາ ເວົ້າລວມ, ເວົ້າສະເພາະແມ່ນ ວຽກງານສາສະໜາ, ວຽກງານຊົນເຜົ່າ ທີ່ເປັນບັນຫາທີ່ສໍາຄັນ ແລະ ລະອຽດອ່ອນໃນແຕ່ລະແຂວງ ແຕ່ລະທ້ອງຖິ່ນ

ໃນກອງປະຊຸມທີ່ມີຄວາມສໍາຄັນນີ້, ເພື່ອເປັນທິດທາງໃຫ້ແກ່ການປະຕິບັດໜ້າທີ່ຂອງແນວລາວສ້າງຊາດ ກໍ່ຄືຂະແໜງການ ແລະ ທ້ອງຖິ່ນ ແຕ່ນີ້ເຖິງທ້າຍປີ ແລະ ຕໍ່ໜ້າ. ທ່ານປະທານສູນກາງແນວລາວສ້າງຊາດ ໄດ້ຊີ້ນໍາໃຫ້ບັນດາທ່ານຮອງເລຂາພັກ ແຂວງ, ຄະນະປະຈໍາພັກແຂວງ, ນະຄອນຫຼວງ, ບັນດາຄະນະປະຈໍາແນວລາວສ້າງຊາດ, ກໍາມະການ ສນຊ, ອົງການຈັດຕັ້ງມະ ຫາຊົນ ຈົ່ງນໍາເອົາເນື້ອໃນຈິດໃຈທີ່ໄດ້ຕົກລົງເປັນເອກະພາບໃນກອງປະຊຸມຄັ້ງນີ້ ລວມທັງບັນດາວຽກງານຈຸດສຸມໃນປີ 2018 ໄປຈັດຕັ້ງຜັນຂະຫຍາຍ ແລະ ຈັດຕັ້ງປະຕິບັດເປັນຕົ້ນ: ໃຫ້ແນວລາວສ້າງຊາດນະຄອນຫຼວງ ແລະ ບັນດາແຂວງທົ່ວປະເທດ ຫັນແຕ່ລະວຽກທີ່ໄດ້ຮັບຮອງໄປແລ້ວນັ້ນເປັນແຜນງານ, ໂຄງການລະອຽດ; ໃຫ້ຄະນະປະຈໍາສູນກາງແນວລາວສ້າງຊາດ ເອົາ ໃຈໃສ່ຕິດຕາມ ແລະ ສົມທົບກັບຄະນະຈັດຕັ້ງສູນກາງພັກກ່ຽວກັບການປັບປຸງມະຕິ 05/ກມສພ ວ່າດ້ວຍວຽກງານມະຫາຊົນ ຂອງພັກໃນໄລຍະໃໝ່ໃຫ້ມີຄວາມຄືບໜ້າ; ຄຽງຄູ່ກັນນັ້ນ, ສະເໜີຄະນະພັກ, ອົງການແນວລາວສ້າງຊາດຂັ້ນສູງກາງ ແລະ ທ້ອງຖິ່ນໄດ້ເອົາໃຈໃສ່ສືບຕໍ່ປັບປຸງບູລະນະກົງຈັກການຈັດຕັ້ງຂອງແນວລາວສ້າງຊາດ ແຕ່ລະຂັ້ນ ທັງວຽກງານບໍາລຸງກໍ່ສ້າງ ພັກ-ພະນັກງານ ໃຫ້ໄດ້ທັງດ້ານປະລິມານ ແລະ ຄຸນນະພາບ; ສືບຕໍ່ສຶກສາອົບຮົມ, ເຕົ້າໂຮມຄວາມສາມັກຄີຂອງບັນດາສາສະ ໜາຕ່າງໆ ໂດຍການຈັດເຝິກອົບຮົມເຜີຍແຜ່ລັດຖະທໍາມະນູນ, ກົດໝາຍ, ດໍາລັດ ແລະ ເອກະສານທີ່ກ່ຽວຂ້ອງ; ພ້ອມດຽວ ກັນນັ້ນ, ໃຫ້ເອົາໃຈໃສ່ຕື່ມໃນການລົງເກັບກໍາຫາງສຽງ, ຄວາມຂັດຂ້ອງໝອງໃຈຕ່າງໆຂອງປະຊາຊົນ ເພື່ອສະເໜີພາກສ່ວນ ກ່ຽວຂ້ອງໄດ້ອະທິບາຍ ແລະ ມີທິດແກ້ໄຂ; ຜັນຂະຫຍາຍວຽກງານໂຄງການຮ່ວມມື ຂອງສູນກາງແນວລາວສ້າງຊາດ ກັບກະ ຊວງສາທາລະນະສຸກ, ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ, ສະພາແຫ່ງຊາດ, ອົງການຢູນິເຊັບ ແລະ ອົງ ການອາຫານໂລກ ເພື່ອສ້າງເປັນແຜນງານ, ໂຄງການ ແລະ ກິດຈະກໍາໂດຍມີການສົມທົບກັນແນວລາວສ້າງຊາດ ແຂວງເປົ້າ ໝາຍ ເພື່ອໃຫ້ທ້ອງຖິ່ນມີສ່ວນຮ່ວມຫລາຍຂຶ້ນ; ສະເໜີໃຫ້ຄະນະປະຈໍາພັກແຂວງ, ນະຄອນຫຼວງ, ຜູ້ຊີ້ນໍາອົງການຈັດຕັ້ງມະ ຫາຊົນຂັ້ນທ້ອງຖິ່ນເອົາໃຈໃສ່ສ້າງເງື່ອນໄຂອໍານວຍຄວາມສະດວກ ໃນການຈັດຕັ້ງປະຕິບັດວຽກງານໃຫ້ໄດ້ຮັບຜົນດີ; ພ້ອມ ດຽວກັນນັ້ນ, ທ່ານ ປອ ໄຊສົມພອນ ພົມວິຫານ ຍັງເນັ້ນໃຫ້ແນວລາວສ້າງຊາດແຂວງ ແລະ ນະຄອນຫຼວງເອົາໃຈໃສ່ສ້າງກົນ ໄກປະສານງານ, ລະບອບປະຊຸມສ່ອງແສງ, ປະຊຸມຮ່ວມກັບອົງການພາຄີໃຫ້ໄດ້ເປັນປົກກະຕິ ເພື່ອເປັນການຊ່ວຍຄະນະພັກ ແຂວງ, ນະຄອນຫຼວງ ແກ້ໄຂບັນຫາປະກົດການຫໍ້ຍທໍ້ທາງສັງຄົມ ແລະ ດ້ານອື່ນໆຢູ່ທ້ອງຖິ່ນຮາກຖານ, ເອົາໃຈໃສ່ຕື່ມວຽກ ງານການທູດປະຊາຊົນ ກໍຄືວຽກງານພົວພັນຮ່ວມມືກັບຕ່າງປະເທດ ໂດຍສະເພາະກັບບັນດາປະເທດເພື່ອນມິດຍຸດທະສາດ ເພື່ອຊ່ວຍສ້າງພະນັກງານວິຊາການຂົງເຂດແນວລາວສ້າງຊາດແຕ່ລະຂັ້ນ ສາມາດເຮັດໜ້າທີ່ເປັນເສນາທິການທີ່ເຂັ້ມແຂງຮັບ ໃຊ້ໜ້າທີ່ການເມືອງຂອງແນວລາວສ້າງຊາດ ໃນໄລຍະໃໝ່.

2017-10-04

ປະຕິທິນ

Oct-2017
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ