ແນະນຳ ສນຊ (LFNC)

ພິທີໄຂ ກອງປະຊຸມຄະນະປະຈໍາສູນກາງແນວລາວສ້າງຊາດ ເປີດກວ້າງ ຄັ້ງທີ 2 ສະໄໝທີ X

          ກອງປະະຊຸມຄະນະປະຈໍາສູນກາງແນວລາວສ້າງຊາດ ຄັ້ງທີ 2 ສະໄໝທີ X ໄດ້ຈັດຂຶ້ນໃນວັນທີ 2 ຕຸລານີ້ ທີ່ສູນກາງແນວ ລາວສ້າງຊາດ ໂດຍການເປັນປະທານຂອງ ທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສູນ ກາງແນວລາວສ້າງຊາດ, ມີບັນດາທ່ານຮອງປະທານສູນກາງແນວລາວສ້າງຊາດ, ບັນດາຄະນະປະຈໍາພັກແຂວງບັນດາກໍາມະການ ສູນກາງແນວອ້ອມຂ້າງສູນກາງ, ບັນດາຜູ້ຕາງໜ້າອົງການຈັດຕັ້ງມະຫາຊົນ ແລະ ແຂກຖືກເຊີນເຂົ້າຮ່ວມ.

          ກ່າວໄຂກອງປະຊຸມ ທ່ານ ປອ ໄຊສົມພອນ ພົມວິຫານ ໄດ້ກ່າວວ່າ: ກອງປະຊຸມຄັ້ງນີ້ຈະໄດ້ຮ່ວມກັນສະຫຼຸບຕີລາຄາ ການຈັດຕັ້ງປະຕິບັດວຽກງານຂອງຄະນະປະຈໍາສູນກາງແນວລາວສ້າງຊາດໃນໄລຍະໜຶ່ງປີຜ່ານມາ ແລະ ກໍານົດທິດທາງການ ເຄື່ອນໄຫວຕໍ່ໜ້າ; ຮັບຟັງລາຍງານບົດສະຫຼຸບການເຄື່ອນໄຫວຂອງຄະນະປະຈໍາສູນກາງແນວລາວສ້າງຊາດ ໃນສົກປີ 2016-2017 ແລະ ທິດທາງການເຄື່ອນໄຫວສົກປີ 2017-2018; ຟັງລາຍງານສະພາບວຽກງານສາສະໜາ ຢູ່ ສປປ ລາວ ໄລ ຍະ 1 ປີຜ່ານມາ; ແນວຄວາມຄິດກ່ຽວກັບການແກ້ໄຂຄວາມທຸກຍາກຕິດພັນກັບການສ້າງຄອບຄົວ ແລະ ບ້ານສາມັກຄີປອງ ດອງທົ່ວປວງຊົນ; ລາຍງານການຈັດຕັ້ງປະຕິບັດວຽກງານຂອງຄະນະທີ່ປຶກສາວຽກງານຄົນເຊື້ອຊາດລາວຢູ່ຕ່າງປະເທດ, ຄະນະ ທີ່ປຶກສາສາສະໜາຂອງສູນກາງແນວລາວສ້າງຊາດ; ຜ່ານຮ່າງຄຳແນະນຳກ່ຽວກັບການສ້າງຂະບວນການຕ້ອນຮັບວັນສ້າງ ຕັ້ງແນວລາວສ້າງຊາດຄົບຮອບ 70 ປີ; ຜ່ານຮ່າງກົດໝາຍວ່າດ້ວຍແນວລາວສ້າງຊາດ; ຟັງການສະເໜີຄໍາແນະນໍາກ່ຽວກັບ ການຈັດຕັ້ງປະຕິບັດກົດລະບຽບແນວລາວສ້າງຊາດ ສະໄໝທີ X; ການສະເໜີຄໍາແນະນໍາກ່ຽວກັບການຈັດຕັ້ງຜັນຂະຫຍາຍ ວຽກງານພົວພັນຕ່າງປະເທດຂອງແນວລາວສ້າງຊາດ ກ່ຽວກັບບົດຊ່ວຍຈໍາໂຄງການຮ່ວມມື, ຂໍ້ຕົກລົງ, ບົດບັນທຶກ ແລະ ສັນ ຍາຮ່ວມມືໃນໄລຍະ 2017-2020 ຂອງລາວ-ຫວຽດນາມ ແລະ ລາວ-ຫວຽດນາມ-ກໍາປູເຈຍ.

          ທ່ານ ປະທານ ສູນກາງແນວລາວສ້າງຊາດໃຫ້ຮູ້ຕື່ມວ່າ: ບັນຫາທີ່ນໍາເຂົ້າກອງປະຊຸມຄັ້ງນີ້ ລ້ວນແຕ່ເປັນບັນຫາສໍາຄັນ ທີ່ຕິດພັນກັບການຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກ ກໍ່ຄືມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງແນວລາວສ້າງຊາດໃຫ້ປະກົດຜົນເປັນຈິງ; ໃນກອງປະຊຸມຍັງໄດ້ສຸມໃສ່ໃນການພິຈາລະນາ, ປຶກສາຫາລືບັນຫາສໍາຄັນອື່ນໆ  ແລະ ເປັນເອກະພາບຕໍ່ເນື້ອໃນຈັດຕັ້ງປະຕິບັດໃນຕໍ່ໜ້າ; ເຊິ່ງກອງປະຊຸມຈະສືບຕໍ່ຈົນຮອດທີ່ 4 ຕຸລາ ຈຶ່ງອັດລົງ.

2017-10-04

ປະຕິທິນ

Oct-2017
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ