ແນະນຳ ສນຊ (LFNC)

ທ່ານ ຮອງປະທານສູນກາງແນວລາວສ້າງຊາດ ເຂົ້າຮ່ວມກອງປະຊຸມສໍາມະນາວຽກງານຊົນເຜົ່າ

ໃນລະຫວ່າງວັນທີ 17-22 ກັນຍານີ້ ທ່ານ ເຍ່ຍເກີຢ່າ ໜໍຈໍຈົງຕົວ ຮອງປະທານສູນກາງແນວລາວສ້າງຊາດ ໄດ້ເຂົ້າຮ່ວມກອງປະ ຊຸມສຳມະນາວຽກງານຊົນເຜົ່າ ທີ່ແຂວງທ໋າຍຫງວຽນ ສສ ຫວຽດນາທ ຮ່ວມກັບທ່ານ ຄໍາມູນ ວິພົງໄຊ ຮອງລັດຖະມົນຕີກະຊວງ ພາຍໃນ ພ້ອມດ້ວຍຄະນະ ແລະ ຄະນະຜູ້ແທນຈາກ ສສ ຫວຽດນາມ, ລາຊະອານາຈັກໄທ, ກຳປູເຈຍ ແລະ ມຽນມາ ເຂົ້າຮ່ວມ.

ບັນດາຜູ້ແທນທີ່ເຂົ້າຮ່ວມກອງປະຊຸມໃນຄັ້ງນີ້ໄດ້ຮັບຟັງການລາຍງານ ກ່ຽວກັບສະພາບວຽກງານຊົນເຜົ່າຂອງແຕ່ລະປະເທດ ທີ່ເຂົ້າຮ່ວມ ພ້ອມນັ້ນຍັງໄດ້ແບ່ງປັນບົດຮຽນທາງດ້ານທິດສະດີ ແລະ ພຶດຕິກໍາທີ່ໄດ້ເຄື່ອນໄຫວຜ່ານມາ ຖືເປັນການແລກ ປ່ຽນຖອດຖອນບົດ ຮຽນກ່ຽວກັບວຽກງານຊົນເຜົ່າ ເພື່ອໃຫ້ໄດ້ນຳໄປໜູນໃຊ້ໃຫ້ເກີດປະໂຫຍດກັບບັນດາຊົນເຜົ່າໃນປະເທດ ຂອງຕົນໄດ້ເປັນຢ່າງດີ, ພ້ອມດຽວກັນນັ້ນ ທ່ານຮອງປະທານສູນກາງແນວລາວສ້າງຊາດ ໄດ້ປະກອບຄໍາເຫັນຕໍ່ກອງປະຊຸມດັ່ງ ກ່າວ ເຊິ່ງທ່ານໄດ້ຍົກໃຫ້ຮູ້ວ່າວຽກງານຊົນເຜົ່າເປັນວຽກງານໜຶ່ງທີ່ສໍາຄັນ ເພາະເປັນບັນຫາລະອຽດອ່ອນສະເພາະພາຍໃນແຕ່ ລະປະເທດ ເຊິ່ງຜ່ານມາລັດຖະບານ ສປປ ລາວ ໄດ້ມີການປະຕິບັດນະໂຍບາຍການພັັດທະນາຊົນເຜົ່າ ຕາມເງື່ອນໄຂ ແລະ ຄວາມສາມາດຂອງປະເທດຕົນຕາມກົນໄກເສດຖະກິດຕະຫລາດ, ການເຊື່ອມໂຍງສາກົນ ແລະ ພາກພື້ນ; ພ້ອມດຽວກັນນັ້ນ, ວຽກງານຊົນເຜົ່າຍັງໄດ້ຮັບການຊີ້ນໍາໆພາຈາກພັກໃນພາລະກິດປ່ຽນແປງໃໝ່ ປະຊາຊົນລາວບັນດາເຜົ່າສ່ວນຫຼາຍແມ່ນດໍາ ລົງຊິວິດຕິດພັນກັບທໍາມະຊາດ. ສະນັ້ນ, ຕ້ອງເພີ່ມທະວີການມີສ່ວນຮ່ວມຂອງຊົນເຜົ່າ, ໃນການຄຸ້ມຄອງຊັບພະຍາກອນທໍາ ມະຊາດ ແລະ ສິ່ງແວດລ້ອມແບບຍືນຍົງ ເພື່ອເຮັດແນວໃດໃຫ້ຊັບພະຍາກອນທໍາມະຊາດ ແລະ ສິ່ງແວດລ້ອມໄດ້ຮັບການຟື້ນ ຟູນັ້ນ ການຮ່ວມມືກັນໃນການໂຄສະນາ, ຜຶກອົບຮົມປູກຈິດສໍານຶກກ່ຽວກັບການປົົກປັກຮັກສາ ແລະ ຊຸກຍູ້ປະຊາຊົນທີ່ເຄີຍມີ ມູນເຊື້ອໃນການຄຸ້ມຄອງ-ນໍາໃຊ້ຊັບພະຍາກອນທໍາມະຊາດທີ່ຄຸ້ມຄ່າ ຕິດພັນກັບການໄຈ້ແຍກອະທິບາຍຜົນເສຍຫາຍໃນການ ນໍາໃຊ້ທີ່ຟູມເຟື່ອຍ, ການດັບສູນ ແລະ ການທໍາລາຍຊັບພະຍາກອນທີ່ມີຢູ່ນັ້ນ ນອກຈາກເປັນການປົກປັກຮັກສາສິ່ງແວດ ລ້ອມແລ້ວຍັງເປັນການສ້າງວຽກເຮັດງານທໍາ, ສ້າງໃຫ້ເຂົາເຈົ້າມີການສຶກສາ, ມີຄວາມສະເໜີພາບລະຫວ່າງຍິງ-ຊາຍ, ພ້ອມ ກັນນີ້, ທ່ານ ເຍ່ຍເກີຢ່າ ຍັງຍົກເຫັນວ່າ ການຮັກສາຮີດຄອງປະເພນີ ໃນບັນດາຊົນເຜົ່າກໍ່ຖືເປັນວຽກງານໜຶ່ງທີ່ສໍາຄັນ ເຊິ່ງ ພັກ-ລັດຖະບານກໍ່ໄດ້ສືບຕໍ່ປັບປຸງ ແລະ ຍົກລະດັບຄວາມເຂັ້ມແຂງໃຫ້ແກ່ການພັດທະນາຊັບພະຍາກອນມະນຸດ, ເພື່ອສ້າງ ບັນດາປະຖົມປັດໄຈໃນການພັດທະນາປະເທດຊາດຕໍ່ເນື່ອງ ເປັນຕົ້ນແມ່ນການພັດທະນາພື້ນຖານໂຄງລ່າງ, ສົ່ງເສີມປະຊາຊົນ ບັນດາເຜົ່າໃຫ້ໄດ້ຮັບການສຶກສາ, ປຸກລະດົມ, ສຶກສາອົບຮົມໃຫ້ເຂົາເຈົ້າຫຼຸດຜ່ອນການຖາງປ່າເຮັດໄຮ່ ຫັນມາທຳການຜະລິດ ເປັນສິນຄ້າເປັນຕົ້ນການປູກຝັງ, ລ້ຽງສັດ ຕາມທ່າແຮງບົ່ມຊ້ອນ  ແລະ ການເພີ່ມທະວີບົດບາດໃນການມີສ່ວນຮ່ວມຂອງປະ ຊາຊົນບັນດາເຜົ່າໃຫ້ຫລາຍຂຶ້ນ.

ໃນກອງປະຊຸມໄດ້ແລກປ່ຽນທັດສະນະບັນຫາພາກພື້ນ ແລະ ສາກົນຕໍ່ກັບວຽກງານຊົນເຜົ່າ ແລະ ຮ່ວມກັນປຶກສາຫາລືກ່ຽວກັບ ທິດທາງການຮ່ວມມືທີ່ມີປະສິດທິຜົນໃນຕໍ່ໜ້າ ແນ່ໃສ່ການເສີມຂະຫຍາຍການຮ່ວມມືລະຫວ່າງບັນດາປະເທດລຸ່ມແມ່ນ້ໍາຂອງ, ສົ່ງເສີມການພັດທະນາເສດຖະກິດ-ສັງຄົມ ແລະ ຍົກສູງຊິວິດການເປັນຢູ່ຂອງປະຊາຊົນ ກໍ່ຄືບັນດາຊົນເຜົ່າໃນພາກພື້ນແມ່ນ້ໍາ ຂອງໃຫ້ນັບມື້ນັບດີຂຶ້ນ; ພ້ອມດຽວກັນນັ້ນ, ຍັງໄດ້ມີພິທີມອບ-ຮັບບົດບັນທຶກການຮ່ວມມື ລະຫວ່າງ ຄະນະກໍາມະການຊົນ ເຜົ່າແຫ່ງ ສສ ຫວຽດນາມ ແລະ ກະຊວງພາຍໃນ ແຫ່ງ ສປປ ລາວ.

ໂອກາດເຂົ້າຮ່ວມກອງປະຊຸມດັ່ງກ່າວນີ້ ທ່ານ ຮອງປະທານ ສນຊ ພ້ອມດ້ວຍຄະນະ ຍັງໄດ້ເຮັດວຽກກັບສະພາປະຊາຊົນ ແຂວງ ບັກກ່ານ, ຄະນະກໍາມະການປະຊາຊົນ ແຂວງທ໋າຍຫວຽນ, ຄະນະນຳ ແຂວງຕວຽນກວາງ, ຢ້ຽມຢາມໂຮງຮຽນກິນນອນຊົນ ເຜົ່າ ທ໋າຍຫວຽນ, ທ່ຽວຊົມໜອງ ບາເບ່ ແລະ ສະຖານທີ່ຕ່າງໆຕື່ມອີກ.

2017-10-04

ປະຕິທິນ

Oct-2017
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ