ແນະນຳ ສນຊ (LFNC)

ພິທີເຊັນບົດບັນທຶກຄວາມເຂົ້າໃຈໃນການຮ່ວມມືທາງດ້ານສາທາລະນະສຸກ

ສູນກາງແນວລາວສ້າງຊາດ (ສນຊ) ຮ່ວມກັບ ກະຊວງສາທາລະນະສຸກ ໄດ້ຈັດພິທີເຊັນບົດບັນທຶກຄວາມເຂົ້າໃຈໃນການຮ່ວມມື ທາງດ້ານສາທາລະນະສຸກ ຂຶ້ນທີ່ສູນຝຶກອົບຮົມວຽກງານແນວລາວສ້າງຊາດ ໃນວັນທີ 27 ກັນຍາ 2017 ນີ້,

ພິທີເຊັນບົດບັນທຶກດັ່ງກ່າວ, ໂດຍແມ່ນທ່ານ ຮສ.ດຣ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດ ຕາງໜ້າ ສູນກາງແນວລາວສ້າງຊາດ ແລະ ທ່ານ ຮສ.ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ຕາງໜ້າກະ ຊວງສາທາລະນະສຸກ, ເປັນກຽດເຂົ້າຮ່ວມພິທີມີ ທ່ານ ປອ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ, ທ່ານ ຮສ.ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ມີບັນດາທ່ານ ຮອງປະທານ ສນຊ, ມີບັນທ່ານຫົວໜ້າກົມ ແລະ ພະນັກງານທີ່ກ່ຽວຂ້ອງຂອງສອງພາກສ່ວນເຂົ້າຮ່ວມເປັນສັກຂີພີຍານ.

ການຮ່ວມມືຈັດຕັ້ງປະຕິບັດວຽກງານ ແລະ ໂຄການສາທາລະນະສຸກຂອງ ສູນກາງແນວລາວສ້າງຊາດ ແລະ ກະຊວງສາທາລະ ນະສຸກ ເຊິ່ງມີເປົ້າໝາຍ: “ເພື່ອສ້າງຄວາມເຂັ້ມແຂງໃຫ້ສູນກາງແນວລາວສ້າງຊາດ ແລະ ແນວລາວສ້າງຊາດຂັ້ນທ້ອງຖິ່ນ ໃນວຽກງານສຶກສາອົບຮົມ, ປຸກລະດົມປະຊາຊົນລາວບັນດາເຜົ່າ, ສາສະໜາຕ່າງໆ ໃຫ້ມີສ່ວນຮ່ວມໃນການຮັກສາສຸຂະພາບ, ທັງເຮັດບົດບາດຕິດຕາມກວດກາການຄຸ້ມຄອງລັດຂັ້ນທ້ອງຖິ່ນ, ບົນພື້ນຖານມະຕິກອງປະຊຸມໃຫຍ່ຄັ້ງທີ X ຂອງພັກ, ລັດ ຖະທຳມະນູນສະບັບປັບປຸງ ປີ 2017 ແລະ ບັນດາກົດໝາຍວ່າດ້ວຍວຽກງານສາທາລະນະສຸກ”; ເຊິ່ງປະກອບມີບັນດາໜ້າ ວຽກຄື: ການສຶກສາອົບຮົມ, ປູກຈິດສຳນຶກ, ໂຄສະນາເຜີຍແຜ່ກົດໝາຍ ແລະ ກົດລະບຽບຕ່າງໆທາງດ້ານສາທາລະນະສຸກ ໃຫ້ແກ່ແນວລາວສ້າງຊາດຂັ້ນທ້ອງຖິ່ນ, ຜູ້ຊົງຄຸນວຸດທິ ເຊັ່ນ: ເຈົ້າກົກເຈົ້າເຫຼົ່າ, ປັນຍາຊົນ, ເພດ-ໄວ, ສາສະໜາ ແລະ ປະ ຊາຊົນລາວບັນດາເຜົ່າ; ລົງເກັບກຳສະພາບໃນຂັ້ນບ້ານ ແລະ ສ້າງໂອກາດໃຫ້ປະຊາຊົນບັນດາເຜົ່າສາມາດສ່ອງແສງກ່ຽວກັບ ບັນຫາຕ່າງໆດ້ານສາທາສະນະສຸກໃຫ້ອົງການລັດທີ່ກ່ຽວຂ້ອງ ເພື່ອມີມາດຕະການສຶກສາອົບຮົມ ແລະ ດຳເນີນຕາມລະບຽບ ກົດໝາຍ, ສ້າງກົນໄກປະສານງານທີ່ເໝາະສົມໃຫ້ສາມາດເຊື່ອມໂຍງກັບບັນດາຂະແໜງການທີ່ກ່ຽວຂ້ອງ ເພື່ອແລກປ່ຽນ ບົດຮຽນ ແລະ ພ້ອມກັນແກ້ໄຂບັນຫາອະນາໄມສິ່ງແວດລ້ອມ, ການປ້ອງການ ແລະ ຄວບຄຸມພະຍາດຕິດຕໍ່ ແລະ ການລະ ບາດຂອງພະຍາດຕ່າງໆ.

2017-09-28

ປະຕິທິນ

Oct-2017
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ